Það var líf og fjör í skólanum þegar við héldum okkar árlega jólaföndur, saumuðum hjörtu, máluðum jólakúlur, perluðum og gerðum skraut úr endurunnu efni - takk fyrir komuna þeir foreldrar sem mættuð, sjáumst svo öll á litlu jólunum.
Skoða myndir
Uppfinningadagur haustsins var frekar seint þetta árið, en nemendur voru sjálfum sér líkir með hugmyndaauðgi og uppáfyndingarsemi. Þarna gefur að líta svefnskynjara, teppasófa, heimtuapp, hækjumoppu og marga aðra snilld. Gjörið svo vel að kíkja á myndirnar.
Skoða myndir
Við brugðum okkur til höfuðstaðar Norðurlands 27. og 28. nóvember í fylgd frækinna foreldra og Konna bílstjóra. Veðrið var himneskt og ferðin góð. Komið var við í Kaffi Seli við Mývatn, á Minjasafni Akureyrar, í Nonnahúsi, í keilu, bíó, sundi, á Glerártorgi, Greifanum og Skautahöllinni. Sjón er sögu ríkari.
Skoða myndir
Nemendur á miðstigi grunnskóla Fljótsdalshéraðs og á Borgarfirði mættu á skemmtun hjá okkur sl. fimmtudag. Það var gaman :-)
Skoða myndir
Það var fjölmennt lið nemenda sem fór úr Brúarásskóla föstudaginn 21. nóv til að taka þátt í og fylgjast með keppni á SamAust. Tvö lið úr skólanum tóku þátt í Stíl, þær Arna, Lára og Sigga, og svo þeir Gestur, Magnús og Örn. Skemmst er frá því að segja að þau stóðu sig með mikilli prýði þótt ekki kæmust þau í úrslit. Svo var söngvakeppnin eftir og þar keppti hljómsveitin okkar, þau Dvalinn, Hólmar, Lára, Styrmir og Sigurjón, með frumsamið Sólarlag. Þau urðu í þriðja sæti og við fögnuðum ógurlega! Hér eru nokkrar mjög lítið góðar myndir, sumar fengnar að láni á facebook-síðu félagsmiðstöðvarinnar Nýung, enda okkar myndataka hálfmisheppnuð (það var svo dimmt!). Það má nú alveg skoða þær samt :-)
Skoða myndir
Miðstigið hélt skemmtikvöld sitt í lok október. Við fórum í mínútuþrautir, leiki, horfðum á mynd og borðuðum saman. Þetta var heljarinnar fjör og allir glaðir.
Skoða myndir