Fréttir

Hin árlega haustferð hjá 1. - 10. bekk Brúarásskóla var farin í síðustu viku. Við keyrðum á Borgarfjörð, skoðuðum Lindarbakka sem er fallegur gamall torfær í hjarta þorpsins , grilluðum saman við smábátahöfnina við Hafnarhólma, þar eru tveir útsýnispallar og frábært svæði til að skoða sjóinn og lífríkið á svæðinu. Eftir hádegi var keyrt inn Borgarfjörð og þaðan gengið upp í Urðahóla, sem er mjög flott svæði en þar skiptist hópurinn og 6.-10. bekkur hélt áfram göngunni í Breiðuvík og gisti þar og gengu síðan Gagnheiðina til baka en yngri hópurinn fór aðra leið til baka þ.s. rútan beið þeirra. Fræðandi og skemmtileg haustferð. Það er komið safn af myndum úr ferðinni inn á myndir 2016 - 17

Fyrsti skóladagurinn hjá 1. - 3. bekk var skemmtilegur með verkefnum í stærðfræði og útiverkefni þar sem nemendur söfnuðu plöntum í plöntuverkefni.

Gríðarleg heilsuefling í gangi í dag, í góða veðrinu. Fórum öll saman og gengum upp að virkjuninni á Fossvöllum.

Í dag fóru allir í skólanum saman í sund á Egilsstöðum. Þetta var rosa gaman, veðrið var æðislegt, sólin skein. Nú er sumarið komið á Austurlandi.

Á hverju vori plöntum við Yrkjuplöntum sem eiga sér sögu aftur til Vigdísar Finnbogadóttir forseta. Við fáum einnig stærri plöntur frá Hallormsstað. Krakkarnir læra að planta og þurfa að grafa holur, planta, vökva og allt sem þarf að gera. Krakkarnir fóru í ratleik þar sem unnið var með tilraunir og lagfærðu kofa. Skoðið myndir undir sama nafni í myndasafni.