Fréttir

Það voru glaðir nemendur sem sendu jólagjafir í skókassa af stað í ferðalag til Úkraínu til að gleðja börn á ýmsum aldri. Þau tóku þátt í verkefni sem kallast jól í skókassa og felst í því að safna gagnlegum gjöfum í skókassa til að gleðja önnur börn sem búa við fátækt eða aðra erfiðleika.

Í dag var uppáhaldsdagurinn okkar allra, gæludýradagurinn. Það komu alls konar unaðsdýr í heimsókn. allt frá fuglum til geita!

Síðasta fimmtudag tókum við upp kartöflur og grænmeti í sólskini. Uppskeran var góð. Nemendum gafst kostur á að taka með sér kartöflur heim.

Í lok maí fóru nemendur í 9. og 10.bekk í skólaferðalag til Danmerkur. Við byrjuðum í Billund þar sem við fórum í Lalandia og Legoland. Fórum svo til Köben og þar gerðum við margt skemmtilegt; fórum í dýragarð, tívolí, leigðum okkur hjól og stukkum í sjóinn svo eitthvað sé nefnt. Við vorum afar heppin með veður - og erum við öll sammála um að ferðin hafi verið frábær í alla staði.